Arquivos

  • Vol. 28 (2024)

     Neste novo número de Sarmiento acóllense os relatos vitais de destacados investigadores e docentes coa  intención de pór en valor a traxectoria persoal e profesional de algúns dos protagonistas que afoutaron, en primeira persoa de xeito equilibrado e medido, un tempo novo no eido da Historia da Educación en Portugal e España. Damos así continuidade ao traballo que Julia Varela publicou no anterior número de Sarmiento, que no seu caso se realizou desde o ámbito da socioloxía da educación.

  • Vol. 27 (2023)

    O número 27 de Sarmiento acolle, na súa parte monográfica, unha ampla representación do quefacer científico, académico e profesional da Educación Social no espazo iberoamericano. Os seus textos, habitados pola diversidade inherente ás realidades educativas e sociais nas que se insiren as súas autoras e autores, están alentados por un afán -un ethos en definitiva-, común: dar testemuño dun pasado-presente no que a educación social, implícita ou explicitamente, ten evidenciado o seu firme compromiso coa procura dunha sociedade mais xusta, equitativa e convivencial. Queda reflectido nas historias que se relatan nas páxinas que seguen, afirmando e reivindicando o importante labor da comunidade universitaria e dos colectivos profesionais, así como do seu necesario empoderamento como educadores ou pedagogos sociais. 

  • Vol. 26 (2022)

    Neste número 26 de Sarmiento presentamos unha miscelánea conformada por traballos de distinta natureza e temática diversa que se constituen como achegas moi interesantes e novidosas, mesmo desde o punto de vista historigráfico como dos discursos .

  • Vol. 25 (2021)

    Neste número que celebra os 25 anos de Sarmiento presentamos un achegamento aos aspectos históricos e conceptuais máis relevantes do movemento internacional da Educación Nova; tamén se analizan as súas influencias e o desenvolvemento da investigación educativa, especialmente aquela que ten relación con España, Portugal e Brasil.  A parte monográfica do número ten sido coordinada polos profesores Antón Costa Rico (Universidade de Santiago de Compostela) e Luis A. Marques Alves (Universidade do Porto)

  • Vol. 24 (2020)

    A parte monográfica deste número de Sarmiento correspondente ao ano 2020, adicado nesta ocasión ao tema "Internacionalismo e pacifismo na Historia da Educación contemporánea", foi coordinado polos profesores Joaquim Pintassilgo (Instituto de Educación da Universidade de Lisboa) e Xosé Manuel Cid Fernández (da Universidade de Vigo).

  • Vol. 23 (2019)

    A parte monográfica deste número, dedicada ao tema "Municipios e Educación", foi coordinada polo profesor Justino Magalhães do Instituto da Educação da Universidade de Lisboa.

  • Vol. 22 (2018)

     A parte monográfica, dedicada a "Natureza e educación", coordinouna o profesor Eugenio Otero Urtaza.

  • Vol. 21 (2017)

    A parte monográfica, dedicada nesta ocasión á "Depuración do maxisterio", foi coordinada polo profesor Narciso de Gabriel Fernández.

  • Vol. 20 (2016)

    A parte monográfica do volume é unha homenaxe ao escritor e profesor Agustín Fernández Paz, e ten sido coordinada polos profesores Antón Costa Rico e Miguel Vázquez Freire

  • Vol. 18-19 (2015)

    A parte monográfica deste número dobre está dedicada aos 25 anos da creación das novas universidades galegas.

  • Vol. 17 (2013)

    Este volume inclúe unha parte monográfica sobre "Feminismo e educación das mulleres".

  • Vol. 16 (2012)

  • Vol. 15 (2011)

    Monográfico: Profesor Herminio Barreiro, in memoriam.

  • Vol. 14 (2010)