Breve biografía de Veneranda Manzano (1893-1992)

Resumo

Neste traballo analízase a traxectoria vital e profesional de Veneranda García Manzano. Os seus inicios como mestra, a súa participación na vida política e o seu posterior exilio. Protagonista como tantos outros dun tempo de ilusión, personifica, de maneira moi axustada, a realidade dunha España que non chegou a fraguar. É, en definitiva, a crónica da historia vivida por unha mestra no primeiro terzo do século XX en España, pero sobre todo no tempo da Segunda República española.