A educación ambiental na comunidade rural de Ekovongo-Bié/Angola

Resumo

Ekovongo é unha comunidade rural, cuxa poboación constrúe as súas vivencias nunha estreita relación coa terra e demais elementos que habitan a natureza. Nas últimas décadas Ekovongo ten registrado unha degradación acelerada do medio ambiente, causada principalmente pola explotación sen regras dos bosques, levada a cabo polos produtores de carbón vexetal para a súa comercialización, cuxos efectos repercuten no empobrecemento dos solos e, por conseguinte, na baixa produtividade agrícola. No ámbito da investigacion sobre o tema "Educación e Desenolvimento nas Comunidades Ovimbundu de Angoloa. Estudo Etnográfico da Comunidade de Ombala Ekovongo/Bié", inserido no Programa de Doutoramento aínda en curso na Universidade de Santiago de Compostela, destacouse, entre varios obxectivos, o de preservar a cultura local e o medio ambiente. O presente artigo ten por obxectivo, por un lado, analisar a problemática ambiental nos seus aspectos máis comúns e, por outro, identificar os problemas ambientais que a comunidade afronta actualmente e os saberes tradicionais que orientan a relación entre comuneiros e outros seres da natureza, en canto factores de desenvolvemento, que en esencia conforman as representacións sociais dos habitantes de Ekovongo ao redor da problemática ambiental.