De como a literatura transforma a vida das persoas: A lectura na obra de Agustín Fernández Paz

Resumo

Este artigo parte da constatación de que a maioría das obras de Agustín Fernández Paz conteñen numerosísimas referencias aos libros e á lectura. Tras unha concisa explicación das trabes da escrita deste autor, explóranse as posibles funcións que a referencia a obras esenciais da literatura ten na súa produción, partindo tanto do que ten achegado a antropoloxía da lectura, como dos propios textos do autor. Igualmente, resáltanse as estratexias empregadas para achegar a mocidade á lectura. En consonancia con isto, deféndese a idea de que parte importante da súa laboura creativa se pode entender como un completo plan de animación á lectura ideado para o lectorado novo.