El turismo en Baiona (Galicia): el nacimiento del sector turístico local y los establecimientos de la Edad de Oro

Resumo

O municipio de Baiona (Galicia, España) é un destino turístico costeiro situado ao suroeste da provincia de Pontevedra, nas Rías Baixas. O fluxo das viaxes ao longo da súa historia foi constante, cunha gran traxectoria histórico-turística sobre todo impulsada desde o último terzo do século XIX. A presente investigación céntrase en desenvolver o nacemento do turismo local e estudar os establecementos turísticos locais durante a Idade de Ouro (1887-1936). Dada a escaseza de información no presente campo da investigación turística, a metodoloxía principal empregada foi o enfoque cualitativo baseado na análise de contido complementado con testemuños familiares e historias de vida. Todos os relatos sobre viaxes, unidos aos cambios sociais e os avances nas comunicacións, a aparición dos primeiros transportes, fondas e casas de hóspedes que cambiaron as actividades tradicionais da poboación, a introdución do lecer, a hospitalidade ao viaxeiro, os baños de mar, e a propia atracción paisaxística e cultural “publicitada” ao longo das décadas, acabaron forxando a aparición da actividade turística no municipio As crises por masificación turística durante a década de 1890 fixeron aparecer os primeiros establecementos turísticos modernos en Baiona.