La responsabilidad social corporativa de las organizaciones turísticas. El caso de Riviera Nayarit, México

Resumo

Neste artigo analízase o desenvolvemento do turismo onde resulta non ser o simple resultado do funcionamento dun mercado; a dinamización do turismo é neste sentido o produto de acordos sobre o que está en xogo, tanto no ámbito individual como colectivo, por parte de múltiples protagonistas. Así mesmo, compárase os erros no planeamento doutros polos turísticos e atribúeselle a responsabilidade ás empresas da Riviera Nayarit, como xeradora de riqueza económica e social tanto do punto de vista exterior como interior. Por un lado, o exterior convence aqueles que non pertencen ao sector da importancia do turismo como creador de riqueza e, polo outro, tamén se abre as portas cara a dentro. Isto trae consigo un cambio na forma de xestionar os recursos humanos que supón investigar, afondar neste campo con vistas a dar co xeito de xestionalo de forma diferente á actual, xa que «sendo a principal industria de riqueza que posuímos en Nayarit, temos a gran responsabilidade de xestionar estes recursos humanos de xeito distinto á do século pasado». Tamén se resaltan as características do turismo actual na Riviera Nayarit, resultado de interaccións internas entre empresas, turistas, intermediarios e espazo rural, mais tamén de interaccións externas entre o ámbito sociocultural e natural. En concreto, trátase a responsabilidade social das empresas turísticas que deciden voluntariamente contribuír ao logro dunha sociedade mellor e un medio máis limpo, unha responsabilidade que se expresa fronte aos traballadores e, en xeral, fronte a todos os interlocutores da empresa turística, que poden á súa vez influír no seu éxito.