Innovación en la actividad turística vasca: hacia un modelo competitivo en la C.A. de Euskadi

Resumo

Nun marco global de crecente importancia económica da industria turística, os datos testemuñan que a evolución do sector turístico en Euskadi amosa unha senda de crecemento sostido que, no entanto, vén marcado por un cambio progresivo na estrutura da demanda e por un contorno en que cada vez hai máis competencia. A adecuación do sistema a esta nova realidade e, en consecuencia, ás novas necesidades, constitúe un importante reto dende o punto de vista da xestión turística e pasa, necesariamente, pola mellora da competitividade do turismo vasco. Por outro lado,o papel central da innovación nos distintos procesos económicos e na mellora da competitividade dun país é irrefutable: existen evidencias de que a innovación é o factor dominante da competitividade internacional e,por tanto,do crecemento económico nacional. En definitiva, no novo ámbito competitivo en que se desenvolve a actividade turística mundial, parece que a adopción e o uso estratéxico das TIC poden axudarlle á empresa a mellorar a súa eficiencia e a ser máis competitiva, esencialmente a través da canle que supón o dinamismo innovador. Neste estudo realizouse un achegamento á realidade vasca co obxectivo de entender mellor como se está a situar o sector turístico vasco neste novo ámbito competitivo, é dicir, coñecer mellor como se está a levar a cabo esa adopción estratéxica de innovación e de TIC, e tentouse, asemade, identificar cales son as principais barreiras na adopción da innovación que, sen dúbida, inciden nas competitividade do sector turístico vasco.