The fantasy of invulnerability in Rexina Vega's short story "A catedrática"

Resumo

O noso obxectivo neste traballo é reflexionar sobre os recursos que a autora galega Rexina Vega emprega no seu relato “A catedrática” para problematizar a orde social naturalizada. Destacan, entre outros, a actualización dun motivo clásico do fantástico –a metamorfose– e o uso do humor como ferramenta crítica. Na antoloxía Las mil caras del monstruo, Ana Casas define esta entidade fantástica como “un ser imposible que xera inquietude no lector, non só pola súa aparencia física senón, sobre todo, pola súa vertente psicolóxica” (2018). Partindo desta idea, centrareime nestas páxinas en como a monstruosidade se combina co uso do humor para destacar a ideoloxía que impregna a vida cotiá, neste caso concreto, no ámbito académico. Para iso, combinarei enfoques teóricos procedentes dos estudos fantásticos, psicoloxía, filosofía e da perspectiva de xénero. O monstro fantástico, que tradicionalmente se considera unha entidade ligada á anomalía con respecto á norma, no caso que nos ocupa supón precisamente a súa representación simbólica.