Atlánticas. Revista Internacional de Estudios Feministas nace en 2016 no marco do Centro de Estudos de Xénero e Feministas (CEXEF), espazo de investigación, formación e diálogo da UDC ao redor dos estudos de xénero e/ou feministas.
É unha revista de teoría feminista que se dirixe sobre todo aos lectores peninsulares e de América Latina, de enfoque interdisciplinar dentro dos estudos de xénero, e con sistema de revisión externa por pares de dobre cego. Acepta traballos orixinais en castelán, galego, inglés e portugués.
A súa periodicidade é semestral, e cada número incorpora un monográfico con diversos traballos, varios artigos de temática libre e recensións sobre libros de actualidade.
Último número
Vol. 9 Núm. 1 (2024)
Violencia contra as mulleres e feminicidio
Conceptualizar a violencia contra as mulleres constitúe a contribución máis transformadora do feminismo aos dereitos humanos das mulleres. Ao definir a violencia contra as mulleres como consecuencia da discriminación, o Feminismo conseguiu sacala do ámbito da esfera privada e sinalar o seu carácter estrutural, arraigado en prácticas e institucións; así como diferenciala doutros tipos de violencia social.
Publicada: 2024-03-12