El impacto de las restricciones de visado en la llegada de turistas internacionales

Resumo

Este estudo avalía o impacto das restricións de visado na chegada de turistas internacionais para o período 2017-2019. A pesar da relevancia do tema, existen poucos estudos na literatura económica que analicen ata que punto as restricións de visado reducen o fluxo de viaxeiros entre países. Este traballo pretende suplir esta escaseza de estudos, posto que as restricións de visados supoñen unha importante barreira para os movementos internacionais de turistas limitando o desenvolvemento do sector e impedindo lograr o crecemento económico e a redución do desemprego. Polo tanto, o principal obxectivo desta investigación é explorar o efecto que diferentes tipos de visados teñen sobre o turismo e a toma de decisións por parte dos gobernos sobre a súa política de visados. Para abordar esta análise, o presente estudo clasifica os diferentes tipos de visados en visa tradicional, visa electrónica e visa obtida á chegada ao país de destino. Na análise empírica defínese un modelo de gravidade para estimar os movementos turísticos bilaterais cos métodos de estimación MCO e PPML en tres modelos diferentes: o primeiro modelo considera efectos fixos de orixe, destino e ano, o segundo considera resistencias multilaterais e, o último inclúe conxuntamente resistencias multilaterais e efectos fixos de par. En cando ás estimacións obtidas para as variables de interese, a visa tradicional ten o efecto máis prexudicial, supoñendo unha redución do 21.2% das entradas de turistas, mentres que a visa á chegada é a menos prexudicial cun efecto entre o 10.7% en MCO e o 13.1% PPML. Polo tanto, demóstrase que os gobernos deben avaliar todos os custos das políticas de visados, incluíndo o efecto que teñen sobre o turismo, e estudar os beneficios dunha flexibilización destas políticas.