Menstruación y escuela. Desafíos y oportunidades para una cooperación al desarrollo feminista.

Resumo

Na primeira década do século XXI, desenvólvense os primeiros proxectos enfocados na hixiene menstrual co obxectivo de diminuír o absentismo escolar das mozas. Estes proxectos baseáronse nunha representación das nenas como corpos menstruantes precarios, (re)construíndo expectativas occidentais de normalidade para o corpo feminino. Ademais, ao centrarse na xestión da hixiene, estas intervencións tenderon a reforzar a idea do corpo feminino como sucio e que hai que xestionar no espazo privado. Polo tanto, o enfoque proposto responde, e as veces fortalece, ás normas de xénero, contribuíndo a producir corpos dóciles a-menstruales.
En Santa Rosa de Copán tamén se recoñece que a escola é un lugar idóneo para promover un mellor coñecemento sobre a menstruación debido a súa ampla cobertura. Con todo, a formación sobre este tema é insuficiente e non cumpre coas disposicións normativas existentes. Ademais, persiste unha visión tradicional que asocia a menstruación exclusivamente ao corpo feminino e a reprodución sexual. A división sexual ensinada serve como dispositivo de generización corporal, que perpetua prácticas culturais e normas sociais, que xustifican a desigualdade de xénero. Neste contexto, as persoas participantes mostraron interese en recibir apoio por parte da cooperación. Fronte a este interese, é posible asumir unha autoridade estratéxica para acompañar á axencia das mulleres locais (e otres) en liderar o cambio.