Aviso Editorial – Anuario da Facultade de Dereito da Universidade da Coruña (AFDUDC)

2025-10-29

Infórmase á comunidade académica de que, a partir do Vol. 29 (2025), o período de recepción de orixinais permanecerá aberto durante todo o ano. Os traballos aceptados serán publicados na plataforma editorial conforme vaian superando o proceso de avaliación.

O AFDUDC porá todos os medios ao seu alcance para que o tempo medio estimado entre a remisión do artigo e a súa publicación sexa de aproximadamente tres meses. Non obstante, este prazo poderá ampliarse nos casos en que o traballo estea redactado nunha lingua distinta do castelán.